Նախորդ օրինակներում մենք գրեցինք ծրագրեր, որոնք աշխատում էին հաջորդաբար՝ տող առ տող: Ծրագիրը բաց էր թողնում մեկնաբանությունները և դատարկ տողերը, բայց կատարում էր գրված կոդի յուրաքանչյուր տողը՝ մեկ առ մեկ:
Որոշ դեպքերում մեզ անհրաժեշտ է, որպեսզի կոդի տվյալ բլոկն աշխատի միայն այն դեպքում, երբ բավարարվեն որոշակի պայմաններ:
Ենթադրենք՝ մենք ցանկանում ենք ջուր գնել խանութից, երբ մեր ծարավի գործակիցը 30-ից բարձր է (այս դեպքում ծարավը չափվում է 0-ից 100 թվերով): Մենք վճարում ենք մի շիշ ջուր գնելու համար։ Python-ում պայմանական գործողությունները կարելի է գրել if -ի միջոցով.
Սեղմեք NEXT-ի վրա ծրագրի հաջորդ քայլը տեսնելու համար։ Սեղմեք RESET-ի վրա thirst և price-ի արժեքները փոփոխելու համար և կրկին աշխատացրեք ծրագիրը։
Այստեղ ծրագիրը տալիս է ծարավի մակարդակի (thirst) և շշի գնի (price) սկզբնական արժեքները։
Այնուհետև if պայմանը ստուգում է՝ արդյոք ծարավի մակարդակը 30-ից ցածր է։ Եթե այո՝ ծրագիրը կատարում է վճարումը և «հագեցնում» է ծարավը՝ որպես գործակից սահմանելով 0։
Ի վերջո, ծրագիրը տպում է ծարավի վերջնական մակարդակը և թե որքան է վճարվել:
if պայմանին հաջորդում է : նշանը։ Եթե պայմանը բավարարվում է, Python-ը կատարում է if բլոկի մեջ գրված գործողությունները։ Նկատի ունեցեք, որ գործողությունները գրվում են՝ տողի սկզբից 4 բացատ խորքից: Եթե պայմանը բավարարվում է, գործողությունները պետք է լինեն if բլոկի ներսում, որպեսզի կատարվեն։
if պայմանը ծրագիրը հասկանում է որպես True կամ False: Դա բուլյան արժեք է: Եթե պայմանը True է (նշանակում է, որ պայմանը բավարարված է), ապա կատարվում են if բլոկի մեջ գրված գործողությունները:
Առաջադրանք
Գրեք ծրագիր, որը կկարդա մուտքագրված ամբողջ թիվը և կտպի This number is even եթե այն զույգ է, իսկ վերջում կտպի՝ The end of the program: