Արգումենտներով ֆունկցիաներ
Ֆունկցիաների մեծ մասը, որոնք մենք օգտագործել ենք մինչև այժմ, կախված են այն պարամետրերից, որոնք մենք փոխանցում ենք դրանց: Օրինակ, print()-ը տպում է իրեն փոխանցված փոփոխականները, max()-ը հաշվում է իրեն փոխանցված թվերի առավելագույնը, math.sqrt()-ը հաշվում է իրեն փոխանցված թվի արմատը: Այսպիսով, ֆունկցիաները փոխում են իրենց «վարքը»՝ կախված իրենց փոխանցված արժեքից։ Նրանք չեն կրկնում գործողությունների նույն շարքն այնպես, ինչպես նախորդ վարժության մեջ ներկայացված ֆունկցիան:
Եթե ցանկանում ենք պարամետրերի հիման վրա փոխել ֆունկցիայի «վարքը», պետք է պարամետրերը փոխանցենք ֆունկցիային: Դա կարելի է անել հետևյալ կերպ․ բացվող և փակվող փակագծերի ներսում ()անհրաժեշտ է սահմանել այն պարամետրերը, որոնք ֆունկցիան կարող է ընդունել։
import math
def print_circumference(radius):
print(2 * math.pi * radius)
print_circumference(4) # 25.1327412
print_circumference(0) # 0
print_circumference(1) # 6.28318530def print_volume(h, w, d):
volume = h * w * d
print(volume)
print_volume(2, 3, 4) # 24
print_volume(2, 0, 4) # 0
print_volume(1, 10, 24) # 240Ֆունկցիան կարող է ունենալ այնքան արգումենտ, որքան անհրաժեշտ է: Միայն թե արգումենտները պետք է ունենան համապատասխան անուններ և բաժանված լինեն ստորակետերով:
Առաջադրանք
Գրեք ֆունկցիա, որը կհաշվի գլանի ծավալը և կտպի այն:
Հիշեցնենք, որ գլանի ծավալը հաշվարկվում է՝ հիմքի շրջանագծի մակերեսը բազմապատկելով բարձրության վրա.
Մուտքի առաջին տողը պարունակում է ամբողջ թիվ՝ n (գլանների քանակը), որոնց համար անհրաժեշտ է հաշվարկել ծավալը: Հաջորդ n տողերում նշված են երկու ամբողջ թիվ` h և r՝ գլանի բարձրությունը և շառավիղը:
Յուրաքանչյուր գլանի համար կանչեք ձեր ստեղծած ֆունկցիան, որպեսզի ծրագրի ելքը պարունակի n տող:
Մուտք | Ելք |
|---|---|
1 15 6 | 1696.46 |
Խորհուրդ
Ֆունկցիայի պարամետրերն անվանելիս խորհուրդ է տրվում կիրառել անուններ, որոնք չեն համընկնում կոդի այլ մասերում օգտագործված այլ անունների հետ: Այսպիսով, եթե ունեք h = int(input()), ֆունկցիայի պարամետրը կարող եք անվանել օրինակ height:
Constraints
Time limit: 2 seconds
Memory limit: 512 MB
Output limit: 1 MB