🟠 Կոլաժ

Խնդրի պարզության համար կսահմանափակենք մուտքայի նկարների քանակը 8-ով։ Քիչ թե շատ «գեղեցիկ» կոլաժ ստանալու համար, նաև պարտադրենք, որպեսզի օգտագործողը տրամադրի զույգ թվով մուտքային նկարներ։

./collage tower.bmp courtyard.bmp stadium.bmp

You should provide even number of input images

Նկարները հարկավոր է միավորել զույգ-զույգ, ձախից աջ, վերևից ներքև հերթականությամբ։

./collage tower.bmp courtyard.bmp stadium.bmp yard.bmp

Նաև պետք է հաշվի առնել, որ նկարների չափերը կարող են տարբերվել։

1. Ստացված վերջնական նկարի լայնությունը հավասար է «ամենալայն տողի» լայնությանը։

   1. Ներքևի օրինակում օգտագործողը տրամադրել է 4 մուտքային նկար։ car.bmp նկարի լայնությունը 810 պիկսել է, իսկ մնացած երեք նկարների լայնությունը 600 պիկսել։ Արդյունքում ստացված նկարի լայնությունը կլինի max(600+600, 600+810) = 1410 պիկսել։

2. Նկարների զույգը կողք կողքի միավորելուց հետո, դրանց գումարային լայնությունը կարող է ավելի փոքր լինել, քան վերջնական նկարի լայնությունը։ Այդ դեպքում, «պակասող» մասը հարկավոր է տեղադրել նկարների միջև և «ներկել» այն սպիտակ գույնով։

   1. Ներքևի օրինակում, առաջին «տողի» երկու նկարների լայնությունների գումարը հավասար է 600+600 = 1200 պիկսել։ Այդ իսկ պատճառով, կոլաժը ստեղծելիս նկարների միջև տեղադրվել է 1410 - 1200 = 210 պիկսել հաստությամբ սպիտակ գիծ։

3. Եթե կողք կողքի գտնվող նկարների բարձրությունը տարբեր է, ապա պետք է փոքր նկարի «բացակա» մասը «ներկել» սպիտակ գույնով։

   1. Ներքևի օրինակում, stadium.bmp նկարի բարձրությունը հավասար է 400 պիկսել, իսկ car.bmp նկարի բարձրությունը 450 պիկսել։ Այդ իսկ պատճառով վերջնական կոլաժում stadium.bmp նկարի ներքևում ավելացվել է 50 պիկսել հաստությամբ սպիտակ գույնի գիծ։

./collage tower.bmp courtyard.bmp stadium.bmp car.bmp

Օրինակներ՝

./collage tower.bmp car.bmp car.bmp car.bmp

./collage tower.bmp car.bmp car.bmp car.bmp stadium.bmp courtyard.bmp