Ծրագրավորում 01
Բարի գալուստ Ծրագրավորում 01 առցանց դասընթաց։ Դասընթացը նախատեսված է բոլոր նրանց համար, ովքեր ցանկանում են սովորել ծրագրավորում զրոյից։ Անկախ նրանից՝ նոր եք որոշել ուսումնասիրել ծրագրավորում, թե արդեն ունեք որոշակի հմտություններ, այս դասընթացը կօգնի ձեզ ձևավորել ամուր հիմք և կտա բավականաչափ գիտելիքներ, որպեսզի ավելի վստահ շարունակեք ձեր ուսումը ՏՏ ոլորտում։
Դասընթացում որպես ծրագրավորման լեզու օգտագործվում է
C++-ըԴասընթացի ընթացքում ձեռք կբերեք ծրագրավորման գործնական հմտություններ, կնախագծեք և կիրականացնեք տարատեսակ խնդիրներ, որոնք ունեն իրական կիրառություններ կյանքի ամենատարբեր ոլորտներում։ Կգրեք ծրագրեր, որոնք թույլ են տալիս վավերացնել կրեդիտային քարտերի համարներ 💳, սեղմել (zip) և գաղտնագրել տվյալներ🔒։ Կփորձեք ձեզ «հակերի» դերում և կգրեք ծրագրեր, որոնց միջոցով հնարավոր կլինի ապակոդավորել գաղտնագրված տվյալներ կամ վերականգնել գաղտնաբառեր 🥷։ Կուսումնասիրենք բիոինֆորմատիկայի ոլորտը 🧬։ Ձեր գրած ծրագրերը կօգնեն միարժեքորեն նույնականացնել մարդկանց` վերլուծելով նրանց գենետիկական կոդը։ Ձեր իսկ գրած ծրագրերի միջոցով կսովորեք պատկերի մշակման հիմնական ալգորիթմները🖼️։
Դասընթացի ավարտին ձեռք կբերեք անհրաժեշտ հմտություններ և գիտելիքներ, որոնք թույլ կտան հետագայում լուծել ավելի բարդ խնդիրներ, շարունակել ձեր ուսումը, այնուհետև նաև կարիերան ՏՏ ոլորտում։
Դասընթացը մշակվել է ՀՌՀ Առաջատար ծրագրային տեխնոլոգիաների կենտրոնի կողմից «Ձեռնարկությունների Ինկուբատոր Հիմնադրամ»-ի «CyHub Armenia» նախաձեռնության աջակցությամբ
Միացե՜ք դասընթացի տելեգրամ խմբին հետևյալ հղմամբ։ https://t.me/+hvoTmHqmmH4xYTBi
