Ամսաթվեր

Ալեքսը այսօրվա ամսաթվի (2.2.2022) մեջ հետաքրքիր փաստ նկատեց։ Այն բաղկացած է ընդամենը երկու թվանշաններից՝ 2 և 0։ Ալեքսին հետաքրքրեց, թե հաջորդ անգամ երբ այդպիսի ամսաթիվ կլինի։ Նա իսկույն գլխի ընկավ, որ դա կլինի 18 օր հետո՝ 20.2.2022-ին։ Հիմա նա Ձեզ առաջարկում է գրել ծրագիր, որ կամայական ամսաթվի համար գտնի, թե այդ օրվանից քանի օր հետո կլինի ամսաթիվ, որը բաղկացած է առավելագույնը 2 իրարից տարբեր թվանշաններից։ Այս խնդրում օրվա և ամսի համապատասխանող թվերի առջևից գրվող 0-ները հաշվի չեն առնվում։ Այսինքն այսօրվա ամսաթիվն է համարվում 2.2.2022-ը, ոչ թե 02.02.2022-ը։ Համարել, որ փետրվարն ունի 28 օր։ Հիշեցում՝ տարվա ամիսներն ունեն համապատասխանաբար հետևյալ քանակությամբ օրեր՝ [31, 28, 31, 30, 31, 30, 31, 31, 30, 31, 30, 31]: