Րոպեավճարով սրճարանը
Մերին կոտրել է իր բջջային հեռախոսը, և իր փեսա Դավիթը որոշել է գնել նրան նորը՝ որպես ամանորյա նվեր։ Տոներին ընդառաջ ԱՄՆ-ից Հայաստան է ժամանում Կարապետի հաքեր ընկեր Ստեփանը, և Դավիթը նրան խնդրում է իր հետ բերել հեռախոսը՝ մաքսային տուրքերից խուսափելու նպատակով։ Հաքեր Ստեփանի ժամանումը համընկնում է Դավիթի՝ Դիլիջան ամենամյա այցի հետ, և նա չի կարող անձամբ իրականացնել հեռախոսի փոխանակումը փողի հետ։ Քանի որ Ստեփանն ու Մերին ուղղակիորեն չեն շփվում, Դավիթը ստանձնում է տեղ և ժամ որոշելու առաքելությունը։
Դավիթը որոշում է իր սիրելի սրճարան Րաֆոլաբում ամրագրել սեղան, որի շուրջ կկայանա փոխանակումը։ Նա Ստեփանից և Մերիից ստանում է ժամերի ցուցակ, երբ նրանք կարող են լինել նշված տեղում։ Պարզվում է, որ Րաֆոլաբը, լինելով չափազանց պահանջված (ֆիքստուլ) սրճարան, վերջերս սկսել է գանձել րոպեավճար։ Այդ պատճառով Դավիթը ամեն կերպ կփորձի նվազեցնել սեղանի հետ կապված ծախսերը։ Միակ պայմանը այն է, որ Ստեփանն ու Մերին ինչ-որ պահի միաժամանակ լինեն Րաֆոլաբում։ Եթե առաջինը այնտեղ հայտնվի Ստեփանը, նա կսպասի այնքան ժամանակ, մինչև Մերին ժամանի Րաֆոլաբ։ Նույնը կանի և Մերին։
Օգնեք Դավիթին իրականացնել փոխանակումը՝ մինիմալ ծախսերով։
Մուտքային տվյալներ
Առաջին տողում տրված է
S և M ամբողջ թվերը։ S-ը Ստեփանին հարմար ժամացուցակի երկարությունն է, իսկ M-ը Մերիինը։Երկրորդ տողում տրված է
S հատ թիվ՝ այն բոլոր ժամանակի պահերը (օրվա րոպեով), երբ Ստեփանը կարող է գալ Րաֆոլաբ։Երրորդ տողում տրված է
M հատ թիվ՝ այն բոլոր ժամանակի պահերը (օրվա րոպեով), երբ Մերին կարող է գալ Րաֆոլաբ։ Ելքային տվյալներ
Ելքի միակ տողում տպեք այն մինիմալ գումարը, որը Դավիթը պետք է վճարի Րաֆոլաբում սեղան ամրագրելու համար, եթե ամեն րոպեի համար նա պետք է վճարի 1$։
Մուտք | Ելք |
4 5
1 2 5 8 13
4 10 15 18 19 | 1 |
Բացատրություն՝
Մերին կգա 4-րդ րոպեին, և կսպասի մինչև Ստեփանը հայտնվի 5րդին։ Այսպիսով Դավիթը կծախսի 1$ այդ ժամանակի համար։
Խնդիրը կազմեց Արման Տիգրանյանը
Constraints
Time limit: 0.2 seconds
Memory limit: 512 MB
Output limit: 1 MB