Երկու թվերի մաքսիմումը

Մեծ ծրագրերում երբեմն պետք է լինում կատարել որոշ գործողություններ պայմաններից կախված։ Օրինակ եթե ֆեյսբուքում դնում ենք լայք ապա դրա լայքերի քանակը ավելանում է մեկով, բայց եթե այն արդեն հավանել էինք մինչ այդ, ապա սեղմելով լայքի կոճակը, լայքերի քանակը մեկով կպակասի։

Ինչ-որ պայմանի դեպքում գործողություններ կատարելը C++ում արվում է if, else-ի միջոցով։ Օրինակ, եթե մեր նպատակն է տպել "YES" , եթե երկու թվեր իրար հավասար են, և "NO" հակառակ դեպքում, դա մենք կարող ենք անել այսպես`

#include <iostream>
using namespace std;

int main() {
	int a, b;
	cin >> a >> b;
	if (a == b) {
		cout << "YES";
	}
	else {
		cout << "NO";
	}
	return 0;
}

Կամ, եթե օրինակ, մենք ուզում ենք տպել "YES" , եթե երկու թվեր իրար հավասար են և չանել ոչ մի բան հակառակ դեպքում, դա մենք կարող ենք անել առանց else՝

#include <iostream>
using namespace std;

int main() {
	int a, b;
	cin >> a >> b;
	if (a == b) {
		cout << "YES";
	}
	return 0;
}

C++ում if-ից հետո դրվում են փակագծեր, և դրանց մեջ գրվում է պայմանը, որը եթե ճիշտ է, ապա կկատարվի ձևավոր փակագծերի մեջ գրվածը։

Եթե կա else, ապա if-ի պայմանը չկատարվելու դեպքում, կկատարվի else-ի ձևավոր փակագծերի մեջ գրվածը։ Որոշ դեպքերում մենք կարող ենք ունենալ միայն if և else-ի մասը ուղակի բաց թողնել, եթե դրա կարիքը չկա (ինչպես մեր վերջին օրինակում)։

if-ի փակագծերում կարող է լինել ցանկացած արտահայտություն և ցանկացած քանակի պայման։ Օրինակ, եթե մենք ունենայինք 4 փոփոխական (a, b, c, d) և նպատակ ունենայինք ստուգել, թե, արդյոք, a և b-ն նույնն են, ինչպես նաև c և d-ն են նույնը, ապա կարող ենք դա անել այսպես՝

if (a == b && c == d) {
	...
}

Ուշադրություն դարձրեք, որ հավասարության ստուգումն իրականացվում է երկու հավասարի նշանի միջոցով ==։ Իսկ և-ի գործողությունը երկու and-ի նշանով &&։

Այսպիսով կարող ենք կազմել հնարավոր գործողությունների մի աղյուսակ՝

Վարժություն՝

Մուտքում տրված է 2 ամբողջ թիվ։ Տպել այդ թվերից առավելագույնը։