Global scope
Որոշ դեպքերում, արագ կոդ գրելու նպատակով, կարելի է օգտվել
global scope-ից և որոշ փոփոխականներ պահել այնտեղ։ Այդ փոփոխականները հասանելի կլինեն բոլոր իրենցից ներքև գտնվող ֆունկցիաներին։ Այդ թվում և main ֆունկցիային։ #include <iostream>
using namespace std;
int n;
void some_function() {
++n;
cout << n << endl;
}
int main() {
cin >> n;
some_function();
some_function();
some_function();
some_function();
return 0;
}Այս ծրագիրը հայտարարում է մի փոփոխական
n, որն ունի int տիպ և main-ում ներմուծում է այն։ Ենթադրենք, որ այս անգամ ներմուծել ենք 10։ Դրանից հետո main-ից մենք կանչում ենք some_function()-ը, որը մեծացնում է n-ի արժեքը, իսկ հետո տպում այն։ Քանի որ n-ը հայտարարված է some_function-ից առաջ, այն հասանելի է some_function-ին և some_function-ը սկզբում n-ը դարձնում է 11 իսկ հետո տպում դրա արժեքը։Նույնը կատարվում է երկրորդ անգամ
some_function-ը կանչելուց։ Այն սկզբում մեծացնում է n-ի արժեքը դարձնելով այն 12, իսկ հետո տպում այն։ Երրորդ անգամ some_function-ը տպում է 13, ու վերջում 14։Այսպիսով, վերևում հայտարարված փոփոխականները հասանելի են ֆունկցիաների մեջ։ Եթե
n-ը հայտարարված լիներ some_function-ից հետո և main-ից առաջ, ապա այն հասանելի չէր լինի some_function-ում։ Կարող եք ինքներդ փորձել և տեսնել թե ինչ է ասում C++-ի compiler-ը։Վարժություն՝
Ունենալով
q հատ հարցում, որոնցից ամեն մեկում գրված է երկու թիվ, անհրաժեշտ է պարզել ամեն զույգի մեջից մեծագունը և վերջում տպել թե դեպքերից քանիսում է մեծագունը երկրորդը։Մուտքի առաջին տողում տրված է
q բնական թիվը (1 ≤ q ≤ )։ Դրան հետևում են q տողեր, որոնցից յուրաքանչյուրում գրված է մի զույգ a և b թվեր։Ելքի առաջին
q տողում անհրաժեշտ է տպել այդ զույգերից յուրաքանչյուրից մեծագույնի արժեքը։ Եվ վերջին տողում անհրաժեշտ է տպել թե դրանցից քանի դեպքում էր երկրորդ թիվը ավելի մեծ առաջինից։Մուտք | Ելք |
4
1 2
2 1
0 -5
5 10 | 2
2
0
10
2 |
Հուշում՝ Կարող եք սահմանել
int max ֆունկցիա, որը ոչ միայն կվերադարձնի մեծագույնը, այլ նաև կգումարի 1 մի գլոբալ փոփոխականի, եթե երկրորդ թիվը մեծ է առաջինից։Constraints
Time limit: 0.4 seconds
Memory limit: 512 MB
Output limit: 10 MB